‘A surpresa.

Te sto’ fettianno ‘a quanno sì arrivato,

cu ‘stu vestito a ffiore e ‘a nocca ‘nganna,

te sì ppiazzato dint’ô meglio posto

addò è sicuro ca sarraje guardato.

 

E i’ te guardo, mentre passo e spasso,

nun te pozzo levà chist’ uocchie ‘a cuollo,

‘a tentazione è fforte e mme turmenta,

‘o desiderio cresce e nun me lassa.

 

I’ già te veco annuro ‘int’a ‘sti mmane,

te sbatto forte primm’’e te fà mio,

vurria sapè che t’annascunne dinto

‘e tutto chesto po che mme rummane?

 

Spero ca nun me daje ‘na delusione

comm’ hanno fatto ll’ate primm’’e te:

tanti pprumesse, tanti bbelli pparole

ma po nun m’hanno dato nient’’e buono.

 

Certo però, stavota nun ce casco,

i’ cerco ‘e nun me fà tropp’ illusione.

Stavota ovèro nun m’aspetto niente

a ccunte fatte sì ssulo… n’uovo ‘e Pasca!

 

 

 

Gianna Caiazzo

6 aprile 2mila9


‘A surpresa.ultima modifica: 2009-04-09T19:35:00+00:00da dilloallautrice
Reposta per primo quest’articolo

6 pensieri su “‘A surpresa.

  1. Alla fine il risultato è sempre quello,l’aspettativa alla sopresa viene puntualmente delusa, però ci resta la cioccolata da mangiare che non è poco.

    Bella come sone belle tutte le tue poesie e poi questa devo dire che fino alla fine ti tiene in suspance perchè non capisci a chi è diretta se non nell’ultimo rigo.

    Un abbraccio.

  2. CARA GIANNA,RICORDIAMOCI SEMPRE, CHE TUTTO QUELLO CHE CI RISERVA LA VITA E UNA SORPRESA. CHE SIA BELLA O BRUTTA,L’IMPORTANTE E VIVERLA. CIAO STELLA CU….

Lascia un commento

Il tuo indirizzo email non verrà pubblicato ma sarà visibile all'autore del blog.
I campi obbligatori sono contrassegnati *

*