Fessobbucco.

Uno 'e 'sti juorne me scrivo a Fessobbucco,

m'avoto e ggiro e 'o veco a tutte parte,

vogl'ì cercanno tutta chella ggente

c'aggio perduto tantu tiempo fa.

M'aggia 'ntallià pur' io 'nu paro d'ore,

ì spuculianno dint'ê fatt'’e ll'ate,

aggia 'nfizzà 'nu nomme dint'ô spazzio

e aggia vedè 'a risposta ca me da.

Voglio capì comme s'è ffatto chillo,

a chi cunosce chella tala perzona,

quanta cumpagne tene 'a cumpagna mia,

'e tutte cose me vogl'ì a 'ntricà.

Aggia parià 'ncopp'ê bbacheche 'e ll'ate,

vaco scrivenno quatto fessarie;

'na resatella 'na parola 'e spiccio,

pure 'e nnuttate nce voglio passà.

'Int'ô prufilo metto 'a fotografia:

tutt'’a famiglia cu mmugliera e ffiglie,

pecchè chi 'a vede nun se fa illusione,

songo ‘mpignato e nun se pò allargà.

Nun me voglio sentì 'nferiore  a ll'ate,

me votto dint'ô uebbo e statte bbuono,

aggi' apparà na migliarata 'e ggente

e tutt'’e juorne me l'aggia ì a cuntà.

Me voglio fà  p'amice 'e meglie nomme,

nun me ne 'mporta si nunn 'e ccunosco,

'o nnicessario pe mme è ca quann'’o ddico

'a tutte quante m'aggia fà mmirià.

E nun fa niente si faticammo 'nzieme,

si 'e 'ncontro tutt'’e juorne 'ncopp'ô posto,

si a quaccheduno quanno 'o veco 'o scanzo,

ma dint'â fessobbucco nce hadda stà.

'Stu grande parlamiento virtuale

è 'na 'mmenzione ca me piace assaje,

parlà 'a vicino mo s'è ffatto antico,

i' so' mmoderno che nce pozzo fà?

Gianna Caiazzo

1 maggio 2mila9

di Gianna Caiazzo

Cari amici,approfitto per fare un post su quanto Luigi mi scrive:

“…C'è una poesia di Salvatore Di Giacomo che mi piace tanto, che tu certamente conosci. Mi riferisco a " LETTERA AMIROSA"

Ebbene, in questa poesia ad un certo punto fa riferimento a L' "AMMILOCCA" che dal brano si evince che si riferisca alla lettera chiusa. Però io non riesco a ricordare niente di questa parola che mi fa venire in mente una lettera. Perciò non capisco se è una licenza poetica o è una parola del vecchio dialetto napoletano che mi sfugge. Se puoi colmare questa mia lacuna risalendo in qualche modo all'etimologia di questa parola te ne sarei grato, perchè ho fatto una ricerca su Google ma non sono venuto a capo di niente...”

Spinta dalla richiesta del mio amico Luigi, mi sono addentrata nella ricerca del significato di questo termine e devo dire che l’unica spiegazione che sono riuscita a trovare è quella data dal D’Ascoli (1990) e cioè che la parola deriverebbe dal francese enveloppe (in inglese envelope) che significa ” busta, fagotto”, diventata per corruzione anviloppa poi ammilocca.

La cosa che mi ha incuriosita, però, è che in un'altra sua poesia e cioè Lettera malinconeca scritta nel 1886 ed antecedente quindi di solo due anni Lettera amirosa, lo stesso Di Giacomo usa invece proprio il termine anviloppe.

Voglio giocare a fare la linguista e dico che il passo da envelloppe a  ammilocca mi sembra troppo lungo.

Ho letto che fino a metà ‘800 la lettera era di norma composta dal solo foglio scritto, ripiegato più volte e sigillato poiché la tariffazione era applicata in base al numero di fogli e alla distanza. Dopo quella data, quando fu introdotta la tariffazione in base al peso, si diffusero le buste ma poichè queste potevano essere manomesse, venivano comunque sigillate con ceralacca.

Per praticità, la ceralacca fu sostituita piu’ tardi, tra fine Ottocento e piu’ massicciamente agli inizi del Novecento, dalle etichette chiudilettera.

Qui ho fatto una riflessione: Ammilocca mi ricorda il suono della locuzione inglese mail-lock.

Sigillaposta, chiudiposta, appunto.

Da sottolineare che nell’Ottocento esistevano in america dei mail-lock, cioè delle chiusure metalliche che servivano a sigillare i sacchi o le borse della posta durante il trasporto.

Voi che ne pensate?

Altre poesie di Gianna Caiazzo

LA ROSAGNOLA

(Ballata Lazzara,su base epistolare a tre mouse.)

di M. Salvadore – G. Caiazzo – M.Caiano

Musica del maestro Nino Manna

voce Rosetta
voce Lazzari

Aglie fravaglie
 fattura ca nu' quaglia
Cuorno e bicuorno
’sti jettatori attuorno.
Funnachèra o Reggia
e' d''a mia chesta Seggia!
Funnachèra o Reggia

E’ d’’a mia chesta Seggia!

Cap'alice e capa r'aglio
quann'è c'a mannàmme 'o squaglio?
'n'ce 'a mannàmmo 'a Jervolino
cu' 'a parrocchia 'e Bassolino
'o PD d''e  frate e ssore
cu' 'a cungrega 'e ll'assessòre

'O Cardillo 'int'a caiola
'O Gambale a sse fa' 'a sòla
'O Laudadio c'o crucifisso
'O Bocchino parla a ppe isso!

Aglie fravaglie
 ‘mpechera ca nu' quaglia
Levammìll’à tuorno

‘sti jettature ‘e mmerda
Funnachèra o Reggia
e' d''a mia chesta Seggia!
Funnachèra o Reggia

E’ d’’a mia chesta Seggia!
 

I'je 'sta seggia 'a sott'o mazzo
nun m'a levo... manco p 'o c***o!
'O cunziglio comunale
resta sempe tale e quale!
Cap'alice e capa r'aglio
Je  nun aggio fatto sbaglio!

'O Cardillo 'int'a caiola
'O Gambale a se fa' 'a sòla
'O Laudadio c'o crucifisso
'O Bocchino parla a ppe’ isso!

Aglio e fravaglia
 facite vuje ‘o bagaglio
Cuorno e bicuorno
ccà nun se fa’ maje juorno
Fonnachèra o Reggia
e' d''a mia chesta Seggia!
Fonnachèra o Reggia

E’ d’’a mia chesta Seggia!

’O rimpasto aggio accucchiato

Manco chesto v’à calmato

Vuje vulite ‘a morta mia

Jesc’à llà, ch’arrassusìa

Je so’ sempe fresca e tosta

E nisciuno ‘a ccà me sposta

'O Cardillo 'int'a caiola
'O Gambale a sse fa' 'a sòla
'O Laudadio c'o crucifisso
'O Bocchino parla a ppe isso!
 

Aglio e fravaglia
 manc’ ‘o Pidielle quaglia
ogne notte e juorno
’sta jella ce sta attuorno.
Funnachèra o Reggia
e' d''a mia chesta Seggia!
Funnachèra o Reggia

E’ d’’a mia chesta Seggia

E' Totonno ca m'à dato
'o putere delegato
Conto comme 'o quatt' e coppe
me sta bbuono ... e me ne fotto!
’Sti mmeriùse e ‘ste vajasse

Je me veng’abbasc’ o scasso
 

'O Cardillo 'int'a caiola
'O Gambale a sse fa' 'a sòla
'O Laudadio c'o crucifisso
'O Bocchino parla a ppe isso!
 

Aglio e fravaglia
 pe’ vvuje songo ‘nu travaglio
Corno e bicorno
’Sti cessajuoli attuorno.
Funnachèra o Reggia
e' d''a mia chesta Seggia!
Fonnachèra o Reggia

E’ d’’a mia chesta Seggia

Tocca ‘o Cuorno e ppo ‘o bicorno
levancilli proprio 'a tuorno
fa' che 'a Giunta se sconocchia
leva ‘a ‘nanz 'e figlie'n'trocchia.
Masanie' ciento spaselle
chiavancéll ‘a  ccap'e'mbrella

'O Cardillo 'int'a caiola
'O Gambale a se fa' 'a sòla
'O Laudadio c'o crucifisso
'O Bocchino parla a ppe isso!
 

di Gianna Caiazzo

-Je so' soprintendente,so' figlio 'e nu pittore

ero d'a Rua Catalana, mo songo prufessore

pur'io ogne tanto allucco ,peffino dint'e ssale

ma chesta è 'n'ata cosa ,io so' intellettuale...

Vaco giranno o' munno,sto' mmiezo a bbella gente

che colpa maje ne tengo,si songo intelligente?

Di tanto in tanto piglio e inauguro 'na mostra

po' arrivederci e grazie,sto dint'e mmane voste..

'E mmane d'o' custode ,ca o dorme o  legge o niente,

ca allucca 'int'o silenzio ,ca fa fui' 'e cliente!-

------- 

-Io songo nu custode,n'addetto a' viggilanza

avessa sta' sei ore chiuso dint'a na stanza

Vulevo fa' 'o duttore,'o strologo,'o soprano

ma 'o posto era occupato,m'attocca a ffa' 'o guardiano..

'E vvote 'int'o' silenzio me scappa 'o sunnariello

allora o leggo o parlo,pe' scetà 'a cerevella..

A tte pare difficile,eppure me riesce

cu n'uocchio guardo 'a jatta e cu n'ato frijo 'o pesce!-

'E tifosi.

A Napoli, vulite fà 'a rivoluzione? Levatece 'o pallone!

Sulo tanno v''e ttruvate 'mmiezo 'a strada assatanate.

Nun se joca? ‘O stadio è chiuso? Sta cadenno? 'O campo è 'nfuso?

S'arruvinano 'a jurnata, tutt' 'a vita è scumbinata.

Quanno parlano tra amice? Vuje ll'avisseva sentì!

Troppo lento… troppo forte… nunn ha visto proprio 'a porta!

Operai, dissuccupate, pisciavìnnole e dottori

nun ce sta cchiù differenza: songhe tutte ALLENATORI !!

Gianna Caiazzo

3 giugno 2mila7

© Riproduzione riservata