Archivio mensile:luglio 2011
Fotogrammi di ieri.
Vermicielle aulive e cchiapparielle.
Pe ddoje perzone:
200 g ‘e vermecielle
‘nu cucchiaro d’uoglio
‘nu spiculo d’aglio
5 o 6 pummarulélle
‘na decina ‘aulive nere
‘na vrancàta ’e chiapparielle
sale
petrusino
‘Int’a ‘na tiella facite suffrijere ll’aglio e ll’uoglio, auniteve ‘e ppummarulélle, aulive e cchiapparielle.
Mettitece ‘o ssale e ffacite cocere ‘na decina ‘e minute.
Vullite ‘e vermicielle, sculatele ‘a coppa ‘a coppa e ffacitele zumpà dint’ô zuco cu ‘na vrancàta ‘e petrusino frisco tagliato fino fino.
Salute!
Gianna Caiazzo © riproduzione riservata
foto dal web
Pasta e ppatane cu ‘a provola.
Pe ddoje perzone:
200 g. pasta ammiscata
2 patane nun tanto grosse
3 o 4 pummarulelle
ventresca
cepolla
1 cucchiaro d’uoglio
quacche scorza ‘e furmaggio (grana o parmiggiano)
romano e parmiggiano
150 g provola affummecata
sale e pepe
vasenicòla
Suffrijte ‘a cepolla e ‘a ventresca ‘int’a ll’uoglio, aunite ‘e ppummarulelle e facite cocere ‘nu minuto.
Aunite ‘e ppatane tagliate a pezzetulle e, ddoppo ’nu poco, tant’acqua quanno abbasta p’acalà ‘a pasta.
Primma ‘e fernì ‘e cocere ‘a pasta aunitece ‘o ssale, ‘a vasenicòla, ê scorze ‘e furmaggio tagliate a ppezzettulle.
‘Na vota levate d’’o ffuoco, aunite ‘a provola, ‘o ffurmaggio, ‘nu pizzeco ‘e pepe e girate.
Vide buono: ‘a cunzistenza hadda essere cremmosa e no brudosa.
Salute!
foto dal web Gianna Caiazzo © riproduzione riservata